VEÐURVÍSUR

Þorri og Góa, grálynd hjú,

gátu son og dóttur eina.

Einmánuð sem bætti ei bú

og blíða Hörpu að sjá og reyna.

Mattías ef mjúkur er

máttugt frost þá vorið ber.

Vindur, hríð og veður hart,

verður fram á sumar bjart.

Mattías þýðir oftast ís,

er það greint í versum.

Annars kala verður vís,

ef vana bregður þessum.

Á Marteinsdag ef mundi loft

meður regn, eg segi,

veðradymmur verður oft

veður frá þeim degi.

Ef í heiði sólin sést

á sjálfa kyndilmessu

snjóa vænta máttu mest,

maður, upp frá þessu.

Rauða tunglið vottar vind,

vætan bleytu hlýðir.

Skíni ný með skærri mynd

skírviðri það þýðir.

Febris ei ef færir fjúk,

frost né hörku neina.

Kuldinn sár þá kennir búk,

karlmenn þetta reyna.

Góu og þorra grænku og for

geng ég sumarklæddur

má þó ekki orða vor

öðruvísi en hræddur.